كلمات قدر قدر

قدر قدر لو هلت عيوني من الفرقا قدر
قبل عيون بسبت الفرقا تهل مفارقاه
ذكراك غيمه شوق واحساسي من الذكرى
مطر والأرض أوراق القصيد اللي هجوسي طارقه

يدبي بترابك ذهب يدبي بترابك درر
لو كل هالعالم طفى من نوره انتي بارقه
سميت صدري من عقب فرقاك ياروحي قبر
تتوسد ضلوعي غلاك ذكرى فيني غارقه

على جبينك يستميل الليل ويفز الفجر
على محياك الصبوح الشمس فزت شارقه
وعلى جبينك يستميل الورد ويغني العطر
وريح الوله هزت غصون بالمحبه وارقه

حنيتلك حنيتلك حنيت ياحص البحر
وافارق الدنيا اذا طيفك شعوري فارقه
لو العمر يهدى هديتك من هنى عمري عمر
لن الحياه بكل شي وياك عندي فارقه

انا كتبتك من حبر دمي وغناك الشعر
واستقبلوك الشعر تبقى بالمعاني شاهقه
الصبر أحيان فرج واحيان للعاشق جمر
والصبر جمره حارقه والصبر جمره حارقه

وين انت يااغلى البشر وين انت يا حص البحر
العين طيفك كل صبح وكل ليل تعانقه
مرت ثلاث سنين من عمري وانا احسبهن دهر
ضاق المكان بغيبتك والله اصايل ضايقه