كلمات ع الفاضي

دنيا وضاقت بينا
بس إحنا عدّينا
تعبت معانا كتير
ملّت ما ملّينا

قالوا لي ياما وما سمعتش
الدنيا غابة ما بتحنّش
الناس ديابة ما بتحلّش
إدّيت أمان وما خونتش
دول طمعوا وما طمعتش
مش خمسة ستة لا ما تعدّش
على حد لا أنا ما صعبتش
حاسبت بس أنا ما شربتش

بتهدّ فينا ولا بتراضينا عايشين نزقّ في أيام
تقدر علينا نقدر عليها بس اسندني لو ظهري مال
لا عزيز وغالي ولا حد باقي ده كلام هيفضل كلام
ودقنا مر أو شفنا صعب ولا مرّة نشتكي الحال

تضرب ونصدّ وعمّالة بترازي
حتى ومالت الحمد لله راضي
عارف وفاهم دي خبرة الماضي
بتطلع وبتطلع وبتنزل ع الفاضي

دنيا وضاقت بينا
بس إحنا عدّينا
تعبت معانا كتير
ملّت ما ملّينا

عارف اللي فيها فاهم ألاعيب
شفنا ياما غير خلق ملاعين
باصّين ع اللي في إيدنا ع اللقمة مجانين
وأنا مش شايفهم أصلاً بعمل ملايين

إيه ماليش شبيه ما تقارنيش
أنا نسخة واحدة دوّرت تلقى زيّي لا مافيش
كل اللي بيفرق عندك عندي بجدّ ما يسواش
فلوس تغيّر الرخيص بس لا ما تغيّرنيش

وزيدي بينا النار
عرّفينا مين اللي طلع غدّار
باعوا كل حاجة وخانوا أسرار
غلطان أنا بس مش خسران

ما قلتش مرّة إيه العمل
من لفّ كعبي ده اتنحلّ
تملّي بلقى فيه أمل
دنيا ومش لاقية ليا حلّ

هتضرب هصدّ وهستناها ترازي
لو مش هتراضيني فمش ناوي أراضي
عمّالة تجرّبني ما تسدّش قصادي
بتطلع وبتطلع وبتنزل ع الفاضي

دنيا وضاقت بينا
بس إحنا عدّينا
تعبت معانا كتير
ملّت ما ملّينا