كلمات نهاية مفتوحة

ماقلناش وداع.. ولا حتى سلام
بشكي همومي للدنيا و الايام
بس ف وجودك.. كنتي سايبة غياب
وجوايا سكوت.. بيصرخ عتاب

كنتي القريب اللي ما اتقالش اسمه
الحلم اللي فاجأة اتمسح رسمه
ومابين كلام ما اتقالش و اتساب
سيبنا النهاية من غير جواب

وإحنا اتنين.. في نهاية مفتوحة
ماقفلتش باب ولا فتحت رجوع
سايبين لبعضنا سكوت بيرن
و وجع مدفون جوا الضلوع

لو دي النهاية.. ليه بتمنى وجودك؟
ولو بعدتي.. ليه لسه بفكر فيكي؟
وإن كنتي ناسية..كل اللي بينا
ليه كل حاجة بتفكرني بيكي ؟

مشيتي وخليتي الباب موارب
كأنك مش قادرة تكملي الحكاية
وكل ما أنسى.. ألاقيكي رجعتي
فـ سطر قديم.. ملوش نهاية

وإحنا اتنين.. في نهاية مفتوحة
لسه القصة ما قفلتش فـ قلبي
وإن كنتي بعدتي.. ماكنتيش لوحدك
لسه بشوفك جوه قلبي

لو دي النهاية.. طب ليه بحن؟
وليه كل سكة ترجعلك انتي؟
أنا مش بنساكي.. انا بنسى نفسي
وسايب نهاية.. يمكن تيجي انتي