كلمات مشوار البعد

إمبارح و أنا سهران
مع نَفسي و في العربية
فجأة إشتغلت أغنية
كُنّا بنسمعها زمان

غصبٍ عنّي إتهزيت
حكايات جنبِك قَضّيتهُم
شارع شارع لَفّيتهم
و لَقيتني سرحت و جيت

بكتبلِك و أنا مش مُتأكد ، دي المرّة الكام
عندي إستفهام
مش كُنّا بنمسِك في إيدين بَعض منين ما نروح
مشوار البُعد إزاي يعني لوحدِك روحتيه

و حياة الشوق اللي في بُعدِك ، بَكّىٰ الأيام
مش عارف أنام
و لحد ما تآخدي بـ إيد قلبي اللي إتعبّىٰ جروح
أنا تحت البيت اللي أنا ياما إستنّيت تحتيه

إمبارح كان مَفروض
أهرب م الدنيا و أجيلِك
و أرتاح أوِّل ما أحكليلِك
كل ده مابقاش مَوجود

جاوبيني إزاي هـ نعيش
و نروح فين من أسرارنا
طب لمّا تشوفي صورنا
معقولة ما بـ أوحشكيش