كلمات كمبيوتر

الحياه كمبيوتر
والناس جواه ألعاب
حروب صراعات وچوكر
بيتعملو ألف حساب
ألعاب محتاجة شاشه
عشان تعرض الصوره
والشاشة هيه الدنيا
والكارت فلوس مبدوره

ألعاب وليها صوت
محتاج يخرج ..يزن
ولازمله سماعات
عشان يفضل...يرن

والسماعات الكلمة
فيها النفاق يفتن

دى الحياه كمبيوتر
والناس جواه ألعاب
حروب صراعات وچوكر
بيتعملو ألف حساب

الحياه كمبيوتر....
جواه ناس متبرمجة
محتاجة أمر ..بفارة او
ب كي بورد فيه المسطرة
والفارة تبقى المادة
والكل عليها طاير
وكي بورد هوه الدنيا
والناس فيه الزراير
ولكل زُرار وظيفة
ينسخ...يمسح.... يا ينقل
الحياه كمبيوتر
والناس جواه ألعاب
حروب صراعات وچوكر
بيتعملو ألف حساب
والمبادئ والطيابه
مالهاش مساحة مهنجه
محتاجة هارد محتاجه سيستم
عالي الجودة .. ومعجزة
والهارد هوه الصدق
والويندوز أمر وائع
وائع بڤيرس كدب
ومصالح ومطامع
والشاطر اللي يحمل
ويخش ويهاكر
اما الضعيف فبيدالت
وفُرصه تتشفر
يا سريع يا متأخر
دى الحياه كمبيوتر
والناس جواه ألعاب
حروب صراعات وچوكر
بيتعملو ألف حساب