كلمات المحزم المليان

زهمت الهجوس و قولت يا المحزم المليان ✤ سرينا و الاجواء شاعرية و مجنونة

الا يا حسن يا ابو سعيد اسمع القيفان ✤ ترى كل بيت فيك عادة بكرتونة

مع صبة الفنجال الاول من الرسلان ✤ و انا في مكان بكرّ الوسم لعيونه

عليه السحاب الصيب الوابل الهتان ✤ بروقه تلوح و راعده يسبق مزونة

و جو الطبيعة زان كله و جوي وزان ✤ على شبةٍ كنها من المسك مدهونة

حطبها لمنه شب ما شفت له دخان ✤ شلايخ سمر صافي على الشرط مضمونة

زهمت الهجوس و قولت يا المحزم المليان ✤ سرينا و الاجواء شاعرية و مجنونة

و قال احتزم قلت بعدي خابرك شيطان ✤ تجيب البيوت اللي على الكيف مووزونه

الا يا حسن يا ابو سعيد اسمع القيفان ✤ ترى كل بيت فيك عادة بكرتونة

تليق المدايح فيك يا معزب الضيفان ✤ على فعلك اللي كل الاجواد يطرونه

لك المرجله منهاج و الطايلة عنوان ✤ و سمعتك مثل الماس في شكله ولونه

على الفزعه العجله تقول انّ فيك جنان ✤ ليا فرعت عن راسها كل مزيونة

و عند الخوي منت بردي والله انك حصان ✤ لما حزت و لزت ثنيت الركب دونه

وجدك صليب الراس عبدالله بن سلطان ✤ من الاد عاطف فزعة العاجز و عونه

و سميت خالد باسم خالد رفيع الشان ✤ ابن مضحي اللي يدحم الرجم بمتونه

قريني من ال رمال شمر عمى العدوان ✤ اشيوخٍ خبرهم ف التواريخ تلقونه

ما يبغى لوقفاته لا شاهد ولا برهان ✤ حياته وروحه للمواجيب مرهونه

ولا هو غريب الطيب من شمر و قحطان ✤ يقومون بالواجب و هم يستحقونه

و انا عزوتي يشهد لها طارف العربان ✤ عيال المنيدي قلعة الطيب و حصونه

لهم شيخة من قبل لا تكثر الشيخان ✤ تهز الجبل و يطيح ركنٍ من ركونه

تقول ان فينا جن بسم الله الرحمن ✤ حتى الجن نفسه نقدر نطير جنونه

اقوله و انا وجهي طويل و طليق لسان ✤ و من بار في ربعه عساكم تعزونه

ولا ف القبايل و العرب كلهم نقصان ✤ لهم مثلنا تاريخ و انتم تعرفونه

مع صبة الفنجال الاول من الرسلان ✤ و انا في مكان بكرّ الوسم لعيونه

عليه السحاب الصيب الوابل الهتان ✤ بروقه تلوح و راعده يسبق مزونة

و جو الطبيعة زان كله و جوي وزان ✤ على شبةٍ كنها من المسك مدهونة

حطبها لمنه شب ما شفت له دخان ✤ شلايخ سمر صافي على الشرط مضمونة

زهمت الهجوس و قولت يا المحزم المليان ✤ سرينا و الاجواء شاعرية و مجنونة

و قال احتزم قلت بعدي خابرك شيطان ✤ تجيب البيوت اللي على الكيف مووزونه

الا يا حسن يا ابو سعيد اسمع القيفان ✤ ترى كل بيت فيك عادة بكرتونة

تليق المدايح فيك يا معزب الضيفان ✤ على فعلك اللي كل الاجواد يطرونه