كلمات غريم الشوق

هلا ياشمعة الشمس المنيره
هلا يا بهجة الليل المنور
هلا يا نفحة الفل وعبيره
هلا يامزهي الثوب المخور
هلا ترحيبتن تغني عشيره
هلا مليون واكثر ما اتصور
تعال وشوفلي حل ستديره
وخل الوصل دايم في تطور

مفوض به تيول وبه تصور
حماسي في محركت الوتيره
وتيرة شعر صافي هب مزور
عيونك لي تزيد القلب غيره
بنادق من لواحظها تثور
وشعرن منتشل ناعم حريره
وخصرن معتزل فوق المدور
خفيف الدم له نفسن صغيره
دخل حبه وسط حصنن مسور
نعيم الخد بالبشره المثيره
ضيا نوره على داره منور

قليل وصعب يلقاه المدور
لقاك يعالج جروحن خطيره
فريد الوصف سبحان المصور
تفضل عندك الفرصه الاخيره
اذا بتضمد الجرح المفور
قرارك لي يحددله مصيره
غريم الشوق لي بحبك تهور