كلمات مثل كل يوم

اليوم ذا مو مثل كل يوم
اليوم ذا عيد ميلادي
هنيت به يا عزيز القوم
يا غاية القلب ومرادي

ودي تحطه في بالك دوم
وابغيه في كل سنه يعادي
تاريخ في الذاكره معلوم
في قلبك مطر وغادي

خل البشاير عليه تهوم
مثل احتفالات لعيادي
اعزم له بدور ويا انجوم
محسوب ما هو حدث عادي

اهدي له الورد والمشموم
والعود والفل والكادي
خل المشاعر عليه تقوم
وتهيض البلبل الشادي

انت وانا والسعد معزوم
يسمر على جونا الهادي
والامل في عيوننا مرسوم
ويضوي الشمع وينادي

وعمري وعمرك سنين يدوم
ويبقى الغلا زادك وزادي
واهني النفس في ذا اليوم
مبروك لك عيد ميلادي