يا بيتي يا بويتاتي يا مسترلي عويباتي فيك خلقت وفيك ربيت وفيك بربي وليداتي عالمحبه وعالايمان عالخير وحب الاوطان فيك خلقنا وربينا رزق الله ايام زمان يوم اللي كنت مليان ويوقف بيي ينادينا يا ولادي يا رجواتي وجدي يعبي الكواره من الغله البدواره ويا عيني هاك الغله وحكايه ام بشاره ست البيت الختياره وقديش كانت تقلي يا هنا رزقاتي وكيف ما رحنا وما جينا انوارك عم تهدينا ومشعالك عم يضوي الدرب ومهما كبرنا وعلينا بتبقى تعاليمك فينا تهدينا ع دروب الحب يا بيتي يا بويتاتي