كلمات طحتي من عيني

طحت من عيني ولا تسوين حاجه
خاينه مالك مكان في حياتي
انتهيتي والمحب غير مزاجه
ليه انا بالذات اسمحلك بذاتي

كم سهرت الليل في عتمه وداجه
ناسي نومي و اداري لج و احاتي
الحزن غطى تفاصيلي بسياجه
تعجز الاشعار تعبر عن شتاتي

البدايه حب حسسني بسذاجه
ما حسبت حساب قلبي وتضحياتي
صابك الوسواس يا مصعب علاجه
مستواك انتي دروب مظلماتي

انطفى نور الامل واظلم سراجه
يا خساره وقت ضيعته بسكاتي
يا عديمه ذوق عطاك الغدر تاجه
انكشفتي وانفضحتي يا فتاتي

صوتك المبحبوح بيبن لي احتجاجه
بس فات الفوت هاتي الصدق هاتي
من يخون الحب في الاخر نتاجه
تافه مشطوب ذوقي من سواتي

اقلبي وجه البراءه واحتياجه
القناع اللي تراوينه شراتي
من يشوفه قام يوصفلي انزعاجه
يانحاسه حظ يا اول عداتي