كلمات حبك حرام
كل الحكاية إن الوجع ضيع ملامحي
كل الحكاية إن الألم ساكن سكوتي
دقات القلب بيسمعها كل اللي عدى
ساعات الزمن بتقطع و بتكتم صوتي
مش قولنا الحب مش عايزين نعيشه مره تاني
مش قولنا خلاص يا قلبي ماتدقش لحد تاني
بس المره دي الحب أقوى من كلامنا كله
بس المره دي بجد الحب ساكن جسمي كله
بتقولي ليه إن إحنا مش هنقدر يوم نكمل
كل اللي بيننا كان غلط موضوعنا طول
فكرت بعقلي رافض كل حاجه بيننا
لكن القلب بيتقطع سهرنا ليلنا
سكنتي روحي و مش قادر أبعد و أفارق
و إنتي اللي في بالك بتقولي إنه مش فارق
طب إيه اللي يفرق لما يكون الحب وجع
طب إيه اللي ينفع إني أعيش زي اللي إتخدع
واقف لوحدي في وسط شر الدنيا بحاول أهرب
و كل ما أنسى إني في حبك عاجز الخوف يقرب
إيه اللي يحصل لو بقينا في يوم لبعض
لو إتحدنا هندمر في أي سد
أجمل أيام حياتي كانت وهم و حلم فاضي
و لا القدر قاصد يتسلى بيا و أبقى راضي
ما تردي عليا إيه خلانا نحب بعض
طيب قوليلي لما حبيتي ليه إختارتي البعد
هو اللي بيننا كان إحساس و راح لحاله
ده إحنا اللي بيننا أكبر من جبل و قلبي شاله
و بعد ده كله جايه تقولي حبك حرام
طب مش حرام إني أبقى تايه فيكي و مش بنام
و بعد ده كله جايه تقولي حبك حرام
طب مش حرام عليكي إنك تقولي إنسى اللي كان
حبك عباده مش مجرد أي حب عابر
و لو إنتي قادرة على بعدي فا أنا مش قادر
ضغطتي عليا لحد ما أعترفت ليكي بحبي
سلمتك قلبي و لما خدتي قلبي بيه هربتي
ما أنا متعود على همي من يوم ما أنا إتخلقت
شنقوني ألف مره و على قلبي في مليون حرق
أنا بس عايز أفهم هيا الدنيا عايزه إيه
عيزاني أفضل عايش مش فاهم أنا عايش ليه
و لا القدر مش لاقي حاجه فا بيتحداني
بياخدني لحد أول شط و يرجعني تاني
و الله بيكي قادر أتحدى كل الوجود
لكن من غيرك هقف إزاي و أنا قلب مش موجود
سيبيني أفكر تاني يمكن بعدي يبقى راحه
ما أنا بصراحه مش لاقي في حياتي راحه
كل المواجع تتجمع و تزيد في قلبي
بيزيد في دمعي شكل الألم و مش بخبي
سيبيني أفكر تاني يمكن ألاقي لنفسي مخرج
موقفنا محرج مش قادر أموت وأنا بضحك
كل اللي شاغلني إن إزاي هتكون نهايتنا
فراق و حرقه و لا هنتجمع مع بعض في بيتنا
هتحدى بيكي الدنيا و لا الدنيا هتموتنا
سكوتنا حاضن صوتنا و عيوننا بترسم حكايتنا
و إحنا اللي بيننا أصلا أكبر من اللي كان واصلنا
و إحنا اللي بيننا أصلا أكبر من اللي كان واصلنا
أجمل أيام حياتي كانت وهم و حلم فاضي
و لا القدر قاصد يتسلى بيا و أبقى راضي
ما تردي عليا إيه خلانا نحب بعض
طيب قوليلي لما حبيتي ليه إختارتي البعد
هو إللي بيننا كان إحساس و راح لحاله
ده إحنا اللي بيننا أكبر من جبل و قلبي شاله
و بعد ده كله جايه تقولي حبك حرام
طب مش حرام إني أبقى تايه فيكي و مش بنام
و بعد ده كله جايه تقولي حبك حرام
طب مش حرام عليكي إنك تقولي إنسى اللي كان
حبك عباده مش مجرد أي حب عابر
و لو إنتي قادرة على بعدي فا أنا مش قادر