كلمات روق بالك

روق بالك ليه تحتار
ليه تتغير كده في الحال
شوف ضحكتنا احلى نهار
وادي صحتنا عال العال

مرة حاولنا وسالناه
خد على خاطره وقالنا اه
ليه الشكوى يا صاحبي
وليه منقولش يا دنيا الله
مهما حكاية حزن غريبة
احنا الفرحة قصادنا قريبة
هي الدنيا ساعات وساعات
وبتغير حال عن حال

ليه بتفكر انك صح
ليه بتحب تكون الغالب
ليه بتعيش في هموم الجرح
ليه بتعيش الفرح الغايب
مهما حكاية حزن غريبة
احنا الفرصة قصادنا قليلة
ادي الدنيا كتير مرات
بتقربنا ساعات وساعات

ليه بنقول دي حياتنا وبس
احلى ما فيها هو الامس
كل كلامنا ليه بالهمس
ليه بنرص الحزن ده رص
ادي الشوق مشاويره كتيرة
هاتوصلنا بخطوة قصيرة
هي الدنيا تحب ساعات
تلعب بينا ساعات وساعات