كلمات عنوان الفخر

سلام الله على طحنون ابن زايد ابن سلطان
سلام يرتفع راسه على طاري معازيبه
سلام حر ينصى الحر لى له مخلب وجنحان
ولا هانت جناحينه ولا هانت مخاليبه

وانا في ذمتي صادق وشيخي للفخر عنوان
ومدحي فيه تشهد له مع العالم تجاريبه
وهو الوافي وانا مقصر ويلحق شعري النقصان
اذا ما اوفى قدر طحنون يعل الشعر للغيبه

ولد زايد سليل المجد صفوه ياس ونهيان
خلق والمجد بشت له وخلق الطيب من طيبه
تعال وقول يا الشاعر تعال وغن يا الفنان
ولا توفيه بابياتك ولا تلحق مواجيبه

طويل الباع سمح اذراع معطي ما هو بمنان
صدوق الود جزل المد زاهب رد له هيبه
رفيع الشان في المنصب وفي الموقف رفيع الشان
عقيد القوم مبعد حوم عداه اللوم والريبه

بروق الجود في راسه وكفه غيثها هتان
وفي صدره كرم حاتم وحلم الاحنف وطيبه
وهو زايد مع شعبه وهو محمد على العدوان
وحزمه حزم ابو خالد وابو خالد يماري به

يليق الشعر بسموه ويلبس باسمه التيجان
وتتنومس بيوت الشعر باسمه كلما اجيبه
وانا لو قلت هو طحنون ابن زايد ابن سلطان
وفيت المدح في حقه ولو مااوفي مواجيبه