كلمات عم

يا عم سلامة ❂ راحت فين السلامة ❂ و الحب و الحنان

و ليه الغلابة ❂ واكلاها الديابة ❂ و القسوة في كل مكان

لا سكة عارفين نمشيها ❂ ولا دمعة عارفين نداريها

ايام غامقة و عايشين فيها ❂ و الغلبان علطول متهان

حتى السلام بقى ع الواقف ❂ شمال يمين كله مخالف

ولا حد فاههم ولا عارف ❂ ولا حد لاقي لنفسه مكان

يا عم سلامة ❂ ماتقولي فيه ايه ❂ هي القيامة ❂ هاتقوم ولا ايه

ناس بتجرح و ناس بتخدع ❂ ناس بتدبح و ناس بتوجع

ناس في سيرة الناس تقطع ❂ ناس كتير ظالمين

ناس بتشمت و ناس بغل ❂ ناس كتير مع ناس تقل

ناس في رزق الناس بتطمع ❂ ناس كتير خاينين

يا عم سلامة ❂ ماتقولي فيه ايه ❂ تكونش القيامة ❂ قامت ولا ايه

►◥◣◥◣◥◣◥◣◄

في الايام ياما شفنا الويل ❂ و النهار بقا زي الليل

لما خلاص فاض بينا الكيل ❂ و القلب بالاحزان مليان

طعم اللقمة خلاص بقى مر ❂ و الايام مش راضية تمر

قل الخير و كتر الشر ❂ و البشر بقى كله حيتان

يا عم سلامة ❂ ماتقولي فيه ايه ❂ هي القيامة ❂ قامت ولا ايه

ناس بتجرح و ناس بتخدع ❂ ناس بتدبح و ناس بتوجع

ناس في سيرة الناس تقطع ❂ ناس كتير ظالمين

ناس بتشمت و ناس بغل ❂ ناس كتير مع ناس تقل

ناس في رزق الناس بتطمع ❂ ناس كتير خاينين

يا عم سلامة ❂ ماتقولي فيه ايه ❂ تكونش القيامة ❂ قامت ولا ايه