كلمات رفيع الذوق

يا رفيع الذوق يا العذب الخجول
يا شبيه الحلم وأبعاد الخيال

يا ربيع العمر في كل الفصول
عانق أسراب الغلا شوق وتعال

أدري إنك بالسماء صعب الوصول
مثل قلبي بالهوى صعب المنال

بس روحين ولها نفس الميول
وارتفع شأن المحبة بالوصال

عاشقين وحبنا وصفه يطول
كيف أوضح مشرق الشمس بمثال

وش بسولف عن خصالك وش بقول
فارق بالحسن في كل الخصال

يا رفيق الروح يا الظبي الخجول
تدري إن الصبر عن شوفك محال

لو لمست الوجد يملاك الذهول
ما تصدق هو حقيقة أو خيال