كلمات يا مرحبا بالخيل

يا مرحبا بالخيل واللي مع الخيل
اهل الشرف والمرجله والمعالي
كسابه البطولات جيل ورا جيل
تاريخهم حافل بفخر وجلالي
ترحيب من الخاطر بلحن ومواويل
في يومنا هذا يطيب احتفالي
ضيوف ع شعب اصيل بتاصيل
شعب الامارات الكريم المثالي
اهل الرمك فرسانهم تسبق السيل
والخيل من الخياله في اول وتالي
ماهي مشرايه بمال وتحصيل
تلاد فيهم من قديم الليالي
خيل اعربيه في نسبها تفاصيل
ردت لديرتها كما يرد غالي
على كسبها باذلين المباذيل
لاهي جديده اتنال شي ما ينالي