كلمات الحلوه هاي منين

الحلوه هاي منين اعراقيه
حبهه هوه ويعيش وسط الريه
حضنتني وشتميت ريحت اهلي
ميت عشك والشوك لاعب بيه

كلبهه بي اوصاف من مي دجله
وشعرهه مثل الليل من تحله
مو بيدي ياهلناس حيل اعشك
اصلي وصعب لنسان يترك اصله

التسكن ابغداد روحي وحبي
لكن تره الفروض تسكن كلبي
متعبتني بس مااريد ابعد عنهه
عادي تره مادام منهه تعبي

ماارايد اني غير بنت بلادي
بكلبي حبهه صار حب مو عادي
تغازلني وانسه الكون واصفن بيهه
عنودي بس انساه يمهه عنادي

من الوسط لو لجنوب لو غربيه
لو بنت كردستان او عربيه
من المسيح يجوز هاي الحلوه
ميهمني ابد مادام اعراقيه

من طينتي ويرتاح كلبي وياهه
لو هسه افر الكون ماانساهه
حلم الطفوله هاي والتعجبني
من حقي يم الناس بيهه اتباهه

راح ابقى حد الموت اني اعشكهه
لاخر نفس بلروح ماافاركهه
تربات اهلنه هاي والمحبوبه
كل الجروح تطيب من اشبكهه

تكلبي احبك حيل وبلهجتنه
وتحجي ويهزني الشوك لولايتنه
قصت غرام وشوك عندي وياهه
والعالم يغارون من قصتنه

روحي تحبهه هواي وتحن الهه
بكل بناه الكون ماابدلهه
كلش خجوله وحيل خوش بنيه
تبقى تذب الوان لو اغازلهه