كلمات كبارة عميره

شلايل القاف تطوي البيـــــد مذعوره
بـ أرقاب غيــــد قـوي الهجس يدنيها
لـ انساح بال القصيد وهيض شعوره
وعلى هواه اسرجت خيره قوافيهـــــا
مثايـل مالهـا فــي وقتنــا جـــــوره
صوافن يعقــــــد الخيــر بنواصيها
تجـــل زرج المديح الجزل مغـــروره
وتطرخ على عالي القمة هقـــاويهـا
عند ال مهيلان بنت الفكر مصخوره
تنوخ العاصيه قـــدام اساميها
الاسم مشهور والافعال مشهوره
مغن الامداح حاضرها و ماضيها

عنها التراحيب بـ ازكى الطيب نثنيها
تاريخها تسـري رواته على نــــــوره
بدلايل يبجــد الامجـــاد طاريهـــــا
شواهد عن قديم الوقت وعصــوره
بالميثب الي تمثنو فــي مفاليهـــــا
مناوي البل ليا من نبتت زهــــوره
ومرب لـ لقاحها واقصى مشــاهيها
وماضي له ابيات بالتاريخ محفوره
مثايل لـ العـــرب كـــل يغنيـــها
يومه يغني بخشم الذيب في دوره
تعرس بنا الشينه بفعل يحــــليها
والطرش لا صبحوه وزاعو نشـــوره
ماتوخذ البل وسحمي في تواليها
والااد جمهور ضلع تشبك صقوره
نــدر حرار صــوايــدهـــا تعشيها
هيـازع تنطح القالات منصــــوره
خلان اشده بعيدات مغازيهـــــا

عاد القبايل تناوخ في صحـــاريهــا
ولـ اسلافنا بدعــــه بالغزو ماثـوره
كبارة عميره ترى محد جهل فيها
قبــل غزيزة عقيد متعب كـــوره
ولا امير تخاضع لـــه بواديهـــا
هواجر بـالكرم و الطيب مذكوره
وخزنة ظفر راعي العوجا مسميها
مفاخر بالوفا و العـــــز معموره
ومكارم بالشبب تندا صيانيهــا