كلمات قدر

قدر قدر و العام غنينا من الفرقا قدر
و اليوم مريت المكان اللي عجزت افارقه
العاام اشوفك في طموح دبي لحدود القمر
و اليوم اشوفك ما ورا شمس الصباح الشارقه
كل شي تغير كنت اقول من عام حولي زهر
و اليوم ما حولي زهر وين النخيل الشاهقه
جلست في نفس المكان و عدت في بالي صور
و هلت بي الدمعه و عيني بالاماني غارقه
ي ويل حالي لا حظنك الليل لعيوني قمر
و الشوق ضيفن كل ليله باب قلبي طارقه
في غيبتك انا تعلمت درس و اراجع عبر
ان السنين اذا عطت خانت و بكره سارقه
العام احط ايدي على كفك و تروا بك عطر
و اليوم حتى الوقت خاين بالغصون الوارقه
انا عشقت الموج من اسمك و حبيت البحر
و اذا فرقت الحص تعرف اسمها لي فارقه
يا مركب الاشواق اسافر بك على بحر الشعر
عشان اطفي كل جمره في ضميري حارقه
انا حفظت دروس وقتي و لا تعلمت الصبر
لان الصبر وزن الجبال ما فيه صدرن طايقه
مادام عيني تختلي بطيفك و تنسابك سهر
يا مرحبا بطيفك و ليل الشوق عندي سايقه
هذا وعد كل عام اجدد لك و اغنيلك قدر
و اني امر دبي و عيوني تشوف و بارقه