كلمات دليل المحبة لـ

لو حسيت يوم إن الغلا أقوى من النسيان، كلمات “دليل المحبة” بتلامسك من أعمق نقطة.

دليل المحبّة شوف عيني عليك تغار
ولا ودّي الحاسد عيونك يطالعها
مع إنّك رحلت بعيد لكن بقى التّذكار
ليا شافته عيني تسابق مدامعها

دفنت الغرام بخافقي والقلوب أسرار
مشاعر هقيت إنّ اللّيالي تضيّعها
فرحت برجوعك ما طلبت لخطاك اعذار
ونفسي نست عن ما جرى من تواضعها

تهادت مشاعر خاطري لك بلا معيار
تجاهلتها لو كنت خابر دوافعها
يقولون جنّب درب مالك معه معبار
يلومون نفس بعد الأحباب موجعها

يقولونها قبلي يخون البحر بحّار
والآمواج لا هاجت خذت ماتبي معها
تكاثرت منك الصّد وأثر العلوم كبار
لقيتك على نفسي تقلّب مواجعها

غرامك مثل نار حطبها الغلا والنّار
تموت وغلاك اللّي بقلبي يولّعها
غلاك بضميري واضح ما عليه غبار
تشيل الغلا نفسي وأنا عاجز أمنعها

يقولون ما أودّعك قلت الفراق وصار
والإنسان روحه تنسلب ما يودّعها
هذيك اللّيالي وين وأثر الزّمن دوّار
خذاها ولا ظنّي زماني يرجّعها
طوتها السّنين ولا بقى لي سوى التّذكار
ليا شافته عيني تسابق مدامعها

شيلة دليل المحبة – بدر العزي
Daleel Al Mahabah – badr Alezzi

المزيد من شيلات بدر العزي
كل شي فداك
وين
العيد هل
انا بخير
يطل القمر