كلمات لك خفوقي لـ

لك خفوقي تهيّا مرحبا ومسهلا
في كياني مكانك في خفوقي مديم

من غلاتك حلاتك كل ما بك حلا
في وصوفك ملامح ريم نادر حشيم

لك عيوني جنوني لك غلا ومنزلا
في خفوقٍ يحبك هام فيك ويهيم

من جمالك دلالك غار ظبي الفلا
ما به حد بخصالك وانت قلبك رحيم

لك محبّة تساوي كل حب وغلا
انت وردة بحياتي وانت أحلى نديم

سارحٍ فيك هايم قلبي ما قد سلى
ماخذ الفكر كلّه من جديد وقديم

يا حبيبي وغلاتك انت وحدك ملا
لي عيوني بزينك وانت أصلك كريم

وافيٍ لك غناتي لك حقوق وولاء
من صميمي أحبك وأنا قلبي سليم

والمشاعر جداكم شوق سيل انزلا
كل ما شفت زولك يا الغزال العديم

في وجودك وجودي يحتفل بك هلا
وفي خفوقي حدائق من ورود ونسيم

بالمحبّة المحبّة راسمك من إلى
من مشاعر خواطر من يحبّك غريم

فوق هام السحابي قدر مثلك علا
فوق قدر الأوادم وانت قدرك عظيم

اغنية لك خفوقي – محمد الماسي
Lak Khafoqi – Mohammed Almassi

الحان وغناء: محمد الماسي

المزيد من أغاني محمد الماسي
ينكرون
هلابك
الفوادي
مقفول قلبي
ممشى المحج