كلمات الظبي الجفول

إنفتح باب مقفل على مر الفصول
يوم مرت ساعة الوقت مثل الثانية
والله مدري وش أسوي ولا أدري ويش أقول
الأكيد طيوف الأحباب جتني عانية
إنفتح باب مقفل على مر الفصول
يوم مرت ساعة الوقت مثل الثانية
والله مدري وش أسوي ولا أدري ويش أقول
الأكيد طيوف الأحباب جتني عانية
يا جميلة دوري حل من بين الحلول
كيف صرت المجني اللي يحب الجانية
عينك اللي رمشها يا عسى عمره يطول
بسهمٍ واحد اتصوب لها ثمانية

تطرح زحول الرياجيل من فوق الخيول
لا إلتقاء حبل المواصل بحبل السانية
لا مشيتي راحوا الخلق حولك في ذهول
ولا اثنيتي كان خصرك قطوفٍ دانية
في جمالك تسرج الخيل وتعد الفعول
كيف ما يطمع بك الشيخ وأنت غانية
إستحلي عوج الأضلاع يا الضبي الجفول
وأركي شدادك على القلب وأنت هانية
صيري أول بنت تسلب من الناس العقول
بالعيون اللي على رمشها زبانية
فيك ملح وفيك سكر وشي من الكحول
كيف ما إنت وسط حانة وريقك حانية
من جعل في وجهك الحسن معطيك القبول
ومن جعلك الله نصيبه ما أدور ثانية