كلمات جيت لكن

جيت لكن كلّ شي حلاته بأوّله
مايفيد وينفع العذر مهما يحتوي

وش تبي بالخاطر اللّي سلا عنك ودلّه
شاف ماعاف وطوى صفحة الماضي طوي

عالج جروحه بعزم وثبات ومرجله
مارجى وقفه معرفه ولافزعة خوي

كان جابك داعي الحبّ حاول تسأله
ليه قصرِ عانق السّحب مبناه يهوي

وأنت رحت من اللّعانه وجيت من الوله
ارتفعت ونزلك واحدِ حيله قوي

والغريب أنّك تصاغر خطاك وتجهله
مير ماكنّك سلكت الطّريق الملتوي

والّا أنا مالي خبر بالشّقا والمهزله
شف يدي من هاك الأيّام كاويها كوي

حملي اللّي شلت من طول هجرانك شلّه
ومثل ماعليت خلّك تعلّ وترتوي

رح وأنا ماني بشرواك مربوط الصّله
عزّتي يشمّها الذّيب الأسحم ويعوي

شيلة جيت لكن – الوليد ال عامر
Jeet Lakin – Mohammed Al-Zaizai & Al Waleed Al Amer

المزيد من شيلات الوليد ال عامر