كلمات غنوا معه

غنوا معه خلوه يطرب وانا اشوف
الطار من يمناه لا تاخذونه
مشاعري له دف واحلامي كفوف
يلعب بها لعب الورق في غصونه

كنه لحاله ما قضب غيره دفوف
يحتج وشهوده علينا عيونه
رمشه على ورد الوجن يكتب حروف
لاسلهم بحور العيون الفتونه

ان التفت لي شفتها منه معروف
وان صد قلبي منه هاضت شجونه
بين الرجا والشك والحب والخوف
اللي يبون اهل الهوى يفعلونه

ما صد عني هجر لاشك مكسوف
او خاف حساد الملا يجرحونه
ابي امل واعطيه من وجدي ظروف
نفسي تراها بالغرام مغبونه