كلمات شيلة مطير
بعد إحتمى الميقاف رفرف ياعلم
الماقف الجبار ماعنّه صدود
يامطير دام آطى على رجلي سلم
قريحتي من نادر بيوتي تجود
واليوم يوم الفخر عندي واستلم
رجف البيوت اللي مثل رجف الرعود
صمخ البيوت اللي موسمهن وسم
قافٍ على الشعّار بالمعنى يزود
يامطير قافٍ في مقامه محترم
في اللي يمثلنا لعله في الوجود
ابومحمد سيفنا اللي ما أنثلم
يضرب على الكايد ولا والله يكود
وقف لجل ربعه على ساق وقدم
ومطير جت للي مايخلف في الوعود
خلف ليا حان التحدي وإحتدم
يخلف هقاويهم لاحك العود عود
خلف خلف ياحي والله هالإسم
من دونها مايحسب حساب النقود
جهّز لنا اللي ماتعداها رقم
ومطير صكوا من حواليها حشود
مجليات اللي لنا ماهي لهم
من حولها مطير السعد مثل الأسود
صفرٍ سوى .. ومطير تملكها نعم
الصفر صفر مطير من عصر الجدود
اليا إعرضن .. تقول راسمهن رسم
كنها تقول إلـ من ينافسهن ركود
أوصافها في أذواد خلق الله عدم
الواحّدَه منهن تسد حساب ذود