يا سيدي زاد تعذيبك وطال الجدال وانا اشوفك تهدي وشف وش ترى ياللي غلاك اكبر من الوصف مالك و مال الصده اللي تعيفني لذيذ الكرى وصلتني في محبتك النجوم العوال ورجعتني في تغليك وصدودك ورى مشيت معك وسكت وقلت عل الليال اتذكره في تواضعنا وهو ما درى يا اقرب من الماء لكفي وانت صعب المنال الله يبيحك من اللي قلت واللي جرى يا ميس القد يالفاتن يا رمز الجمال سريت قلبي على دربك ويمك سرى وانا بجنبك وصدري لك ملاذ وذرى