كلمات جواب
✍️ كلمات: عاطف شاهين
🎼 ألحان: محمد هلال
انا مستنيه جواب شايل خط الاحباب
يحكي لي اتاخر ليه عني وايه الاسباب
هاتولي يانسمه على جناحك وتعالي اوام
لحسن الشوق زاد وقرب يقلب بعذاب
سافر من غير مايودعني حتى بسلام
واستكتر حتى يزور بابي ولو في الاحلام
لو مش عرفاه قوي وبحبه وكمان حفظاه
كنت ح قول ناسي عهود قلبي وغرامه كمان
اول ماجوابه يوصلني حنسى التاخير
من قبل ما هقرا انا عذرا من غير تفكير
وعنيا تعوم ويا حروفه في بحور معناه
وخيالي يطير احلامي زي العصافير
عرفاه من حبره المتعطر اشواق وحنان
قاريه من خطه اللي مزهر ورد الاغصان
لو من الف جواب يقولولي فين هوه حقول
ابو ورد ورق حروف اسمي وقلبي العنوان