كلمات لصبر حدود

ما تصبرنيش بوعود .. وكلام معسول وعهود
أنا يا ما صبرت زمان .. على نار وعذاب وهوان
واهى غلطة ومش ح تعود .. ولو ان الشوق موجود
وحنينى إليك موجود .. انما للصبر حدود
ياحبيبى
صبرنى الحب كتير .. وداريت فى القلب كتير
ورضيت عن ظلمك لكن .. كل ده كان له تأثير
والقرب أساه ورانى .. البعد ارحم بكتير
ولقيتنى وانا باهواك .. خلصت الصبر معاك
وبأملى باعيش ولو انه .. ضيع لى سنين فى هواك
واهى غلطة ومش ح تعود .. ولو ان الشوق موجود
وحنينى إليك موجود .. انما للصبر حدود
ياحبيبى
أكتر من مرة عاتبتك .. واديت لك وقت تفكر
كان قلبى كبير بيسامحك .. انما كان غدرك أكبر
أكبر من طيبة قلبى .. أكبر من طولة بالى
أكبر من قوة حبى .. مع كل الماضى الغالى
ولقيتنى وانا باهواك .. خلصت الصبر معاك
وبأملى باعيش ولو انه .. ضيع لى سنين فى هواك
واهى غلطة ومش ح تعود .. ولو ان الشوق موجود
وحنينى إليك موجود .. انما للصبر حدود
يا حبيبى
ما تصبرنيش ما خلاص .. أنا فاض بى ومليت
بين لى انت الإخلاص .. وانا اضحى مهما قاسيت
دا مفيش فى الدنيا غرام .. بيعيش كدا ع الأوهام
والحب الصادق عمره .. عمره ما يحتاج لكلام
وكفاية وانا باهواك .. خلصت الصبر معاك
وبأملى باعيش ولو انه .. ضيع لى سنين فى هواك
واهى غلطة ومش ح تعود .. ولو ان الشوق موجود
وحنينى إليك موجود .. انما للصبر حدود
يا حبيبى