كلمات محمد بن منصور بن زايد

يا الشيخ منصور كانك بالاسم قاصد
تجمع في شبلك معاني عمه وجده
من كثر حبك لابو راشد وابو خالد
سماه قلبك محمد باسمن يوده

يجمعهم الفخر في راشد وفي زايد
كل منهم عن بلاد ولابه لوحده
وشلون لو صارو والاثنين في واحد
اسمه محمد بن منصور من قده

وراشد بكل فخر جازه الشاهد
يشهد يمين العطى بالخير لي مده
وبكل فخر بابو خالد وفا خالد
كن المطر جود كفه والسما يده

هذا محمد واسمه للفخر عايد
من عصر سيد البشر ليومه وغده
له في الامارات مجد للسما صاعد
ارض المكارم وارض الحب والوحده

الله يديم سمي الطيب لزايد
ويزيده الله بطول العمر ويمده
هذا سمي لابو راشد وابو خالد
يجمع معاني ابوه وعمه وجده