كلمات وياك
وياك وانتي بدنيتي يا اجمل الناس
اشوف كل شي حولي يسمو مقامه
عيناك عمري وصوتك الروحي انفاس
وكلما ابتسمتي اتصير ارضي غمامه
الله حباني اياك تاج على الراس
حبك ياكيف اوصف مداه و غرامه
واحساسي ارقى حتى من كلمه احساس
وفيك الفخامه ما بعدها فخامه
انتي الجمال اللي به الزين ينقاس
وانتي القوام اللي تناغم قوامه
ما بين وقفه حر و مشيه افراس
ومابين رقه عود ظبي العدامه
في مثلك انتي حي الارض اللي تنداس
يا قلب فارض ع الجميع احترامه
تمشين وحتى ترابك بعيني الماس
وش عاد قدرك في خفوقي مقامه
زين ومعاني وقلب مفعم وحساس
وحشمه ونعومه زادو حسنك علامه
تشبهها ميزه وجهك ان قابل الناس
وغمازتينك شايلتها ابتسامه
يحفظك الهي ويسعدك دون مقياس
ويديمك بقلبي ليوم القيامه
وتبقين ياخوله انتي روحي والانفاس
وانا السعيد اللي انتي حبه و هيامه