كلمات فين انت ياترى
✍️ كلمات: عبدالوهاب محمد
🎼 ألحان: عمار الشريعي
فين انت يا ترى
ولا عايش لمين
وسعيد يا هل ترى
وياه ولا حزين
نفسي اتطمن عليك
يا اللي قلبي في ايديك
رغم مرور السنين
فين انت يا ترى
قالوا الزمان بينسي
واهو منسانيش
ده انا مش بعيش لنفسي
اكتر ما ليك بعيش
قلبي بطول الفراق
لا بطل اشتياق
ولا بطل ليك حنين
لكن اخلاصي ليك
هو اللي رابطني بيك
رغم مرور السنين
فين انت يا ترى
يا مهاجر من البلاد
لكن من روحي لا
حبك جوه الفؤاد
باقي طول الحياه
بحلم بك بالنهار
وفي وسط ناس كتار
بيا مش دريانين
لسه نار الهوى
مش لاقيلها دوا
رغم مرور السنين
فين انت يا ترى