كلمات بشبه عليك

بشبه عليك
ملامحك من ملامحي
و لونك لونه قمحي
و عيونك فراحنين
بشبه عليك
قولي و فكرني امتى
انا شفتك بس امتى
من يوم ولا سنين
يمكن زمايل مدرسه او دفعتي في الجيش
خبطت كتافنا يوم في بعض و احنا في طابور عيش
و لا اطلنا سوا اكله سمك في ابو قير
جايز صليت جنبك في يوم الجمعه في الحسين
ولا في يوم شيلنا العلم في الاستاد من سنين
و لا لمحتك يوم هنا تصرخ تقول تغيير
بشبه عليك
ملامحك من ملامحي
و لونك لونه قمحي
و عيونك فراحنين
بشبه عليك
قولي و فكرني امتى
انا شفتك بس امتى
من يوم ولا سنين
يمكن في ليله وقفتلي و انا عطلان على الطريق
سالت عني في يوم و انا مخنوق حاسس بضيق
سايبني ليه محتار كده ما تقوللي تطلع مين
هو انت احمد ولا جرجس ولا صوت ملايين
ولا واحد صدره ضاق من الظلم والظالمين
و لا انت باعتك ربنا تاخد بايد ملايين
بشبه عليك
يا اللي ضحيت بروحك يا واحد مننا
وسايب اهلك وناسك علشانا كلنا
يا شهيد انتا مكانك في الجنه مش هنا
كان نفسي بس اقولك انتا مرحتش هدر
دلوقتي صوتنا عالي و خلاص خوفنا انكسر
بقا في قلوبنا رحمه وليلنا بقا فيه قمر
بشبه عليك