كلمات زي عادتك

امتى قلبي عليك نصفني
واشتكيت ظلمك وشافني
حبي ليك قواك عليا
وقد ما مقويك ضعفني

برضى باللي يجيلي منك
نفسي تشكي واحامي عنك
وانت شايف برضو جرحي
هو اسهل حاجه عندك

زي عادتك
لسه حالك وانت اهو مقرب تسيبني زي حالك لما خدتك
وبشهادتك
كنت ليك نعم الحبيبه معاك مخنتش اي وعد انا بيه وعدتك
لو سعادتك
مش هتكمل
غير لو انت بعدت عني اعتبرني خلاص بعدتك

متراهنش انك تلاقي
قلب مخلص ليك وباقي
لو تامنه لعمر باقي
يفدي راحتك وبعينيه

مين في مشواره ونصيبه
لاقي حب عشان يسيبه
قوللي مين ضيع حبيبه
مابتداش يندم عليه