كلمات شبيت
شبيت ضو الذكريات وحكينا
افرج همومي وهي تشتعل نار
ادري الزمان اللي قسى مايلينا
عقب السعاده والهنا كيف بيدار
ياخذ ولا يعطي وياما عطينا
ضيع صوابي واودع الفكر محتار
قل لي وش الطاري عقب مانسينا
يمي تجي ياغايب اعوام للدار
لا تفتح الموضوع منه اكتفينا
ما بيك تزيد جروح روحي بالاعذار
كبرت في راسي غلطتك وانتهينا
مليت حكي منك وش كان وش صار
مامر بي حزن وقهر من سنينا
الا على فرقاك من غير ماختار
من صفحه الماضي قرينا وطوينا
ما عاد باقي لك معي غير تذكار
يومي انا وياك في كل حينا
لا قيض يمنعنا ولا وقت الامطار
ياما على صوت الربابه بكينا
نسهر على نور القمر نكتب اشعار
ذيك البراري كلها لك حنينا
تبكي عليك ضلوعها وكل الاشجار
غير طريقك لو صدف والتقينا
لا توجع المفجوع مع حكم الاقدار