كلمات الليلة

عادي دي الدنيا و بتعاكس
مين قال ان الفراق كان لازم
بعد عندي مربوط بالموت
التاني دة في زبالة

لا انا مغوار ولا انا فارس
كاره المدراء و الساسة
مفيش في وقتنا الحالي دة عهود
بتكمل لو ساعة

اسامحهم و كل مرة اقرر اتوب
بلاوي تتحدف بتكفر ذنوب
محتاج اقف واقفة مع نفسي
بتعهد اني كل مرة هفوز (على قلبي)

بحاسبني لو غيري هيكسرني
و بكدة يبقى اوفر بكتير
وحشني شخصي القديم

كنا زي الليلة ديه
صفيانة النية
كنتي في كل مكان حوليا
وسعيد

كنا زي الليلة ديه
صفيانة النية
فجأة بقيتي بعيده عليا
بعيد

بس عادى
محدش قال امين
محدش سأل حتى
محدش فيكم كان امين

عشان تفتحلي قلبك
محدش فكر قال هشيل
و جاب جروف و عبى
محدش فيكم كان جميل

و كان المفروض الاول احاسب نفسي من قبلها
جبت اللي في بطني كله مع ناس عمري ما عرفتها
عشمت نفسي في حاجة عمري في مرة ما هحسها
و لحد دلوقتي تايه مش عارف من وقتها

بس عادى مش غريبة تكون غلطان وخيبة
المركب الى راسية دايماً مش معناها عيبة
و اللمبة اللى مطفية طول الوقت مش محروقة
ف يا اما انا الى غلط يا اما بشوف حاجات مريبة

وانا ضهرى باظ وانحنى و كتفى داب و اترمى
من وقت بدري عليا قدّر كنت 20 سنة
بقيت عجوز بتسند فى وقت ما كنت السند
و اللى مخلينى واقف خوفي على امى هو السبب