كلمات بدي خبركن

بدي خبركن قصه زغيره
زغيره القصه و انتو زغار
منحكي و بتصير الليله قصيره
بكرا ان شاء الله تصيروا كبار
ليله عيد فرح جديد
و الاطفال انوعدوا بالطفل السعيد
غنيات لعب وزينات
و تتزين الشجره للميلاد السعيد
و كان في ولاد نسيت الاعياد
نسيت تزورن بليله الميلاد
بيتن بعيد والقرش بعيد
وما عندن تا يزينوا شجره الميلاد
صاروا يصلوا يركعوا يصلوا
يمكن صلاتن بكت الدني
وكان في برا عندن شجره
شجره عمرا شي ميه سنه
وفي رف عصافير ملون حلو كتير
وبدوا يبيت وما بقى بكير
غط بهالشجره صارت صفرا وحمرا
وطلوا الولاد وتزينت الشجره
وفرحوا كتير بالزينه ال بتطير
وصاروا يغنوا ويغنوا العصافير
ونزل العيد عيد معهن العيد
ومن ع بكرا سلموا وطاروا العصافير
خبرناكن قصه زغيره
زغيره القصه وانتو زغار
حكينا وصارت الليله قصيره
وبكرا ان شاء الله تصيروا كبار