كلمات سلمولي على مصر
✍️ كلمات: حسين السيد
🎼 ألحان: محمد الموجي
سلمولي على مصر
سلمولي على الحبايب وابعتولي
سلام امانه والنبي سلام امانه
والشوق امانه والنبي الشوق امانه
سلمولي على الحبايب وابعتولي
سلمولي على مصر
وامانه لما تفوتوا من جانب الحسين
تجيبولي شويه من النور اللي على الصفين
خان الخليلي على يمينكم هداياه واحشاني
تبقوا تجيبولي توت عنخ المنقوش في صواني
وابقوا افتكروني من الصاغه باسوره لولي
سلمولي على مصر سلمولي
سلمولي على الشوارع
سلمولي على الكباري
والسما والبدر طالع
والهوا ساعه العصاري
سلمولي على الحبايب
اللى فاكر واللي ناسي
وان لقيتوا حد غايب
ابعتولوه ميه تماسي
رشوا دموعي وضحكتي واجمل سلامي
على كل حته شاركتني اسعد ايامي
من يوم ما مشيت اول خطوه وفردت طولي
سلمولي على مصر سلمولي
سلموا لي على الحبايب