كلمات شمر لها

يا دارنا يوم السنين امحيله
و الدرب موحش بالمساري ليله
كلن على شفج يصبر حيله
و خبت على غالي ترابج حيله
لين المسيل ارهت عليه امخيله

شمر لها يمناه عن الامحاني
مثل السفر عقب الظلام يباني
اذن و لم القاصيه و الداني
و اتوافدو له شيبه و شباني
و ابحر ب شعبه ( زايد ) الرباني

مد اليمين و جاوبوه اخوانه
و الشعب مد الفعل قبل ايمانه
صف تلاحم حضره و بدوانه
و لم الشمل و اتوحدت بلدانه
و سبع الجواهر اصبحن له دانه

شبحه بعيد و لا تقاس اشباره
فوق التراب ايخط درب ساره
كن العصا متقديه باشواره
و قامت تزين باسم ( زايد ) داره
و الخير فيها فايضات انهاره

عقبه على دربه مسير عياله
ندر حرارن كاسبين الطاله
كلن على طرقه تدل افعاله
و الشعب في شفه قوي ياله
في ظل ( بوخالد) و شم جباله