كلمات قلبي فانوس

حبك شمعة وقلبي فانوس وبتلعب بيه !!
وحوي يا وحوي
ياما هواك غرمني فلوس إرحم قلبي
وحوي يا وحوي .... إياحة
........................................................................
من يوم حبك وانا مسكين .... كل ما أبعت شوق وحنين
بترجعهملي وتقولي .... غيرهملي بقمر الدين !!
وكل يوم على دي الحالة
يا الله الغفار
ده قلبي ده ولا بقالة ؟!
يا الله الغفار
مهما هواك يديني دروس مبحرمشي
وحوي يا وحوي
حبك شمعة وقلبي فانوس ومنين ما امشي
وحوي يا وحوي .... إياحة
........................................................................
إشمعنى انت أعز حبيب ؟! وانت لجرح القلب طبيب !!
ده انا مساويش عندك يا حبيبي .... وقة لوز أو رطل زبيب !!
وتشوف وتعمل مش شايف !!
يا الله الغفار
لا كنافة نافعة ولا قطايف !!
يا الله الغفار
يا محيرني قيام وجلوس وملوعني
وحوي يا وحوي
حبك شمعة وقلبي فانوس بتلسوعني
وحوي يا وحوي .... إياحة
........................................................................
أطلب روحي أبعتها قوام .... وابعت فوقها كيلو سلام
تطلب ليه الجوز والبندق ؟! مانتاش عارف الوقة بكام ؟!!
يا حلو وادّينا العادة
يا الله الغفار
نظرة عيونك بزيادة
يا الله الغفار
شوف كام سنة وهواك محبوس جوه في قلبي !!
وحوي يا وحوي
حبك شمعة وقلبي فانوس وبتلعب بي
وحوي يا وحوي .... إياحة