كلمات بُعدك وجع

بُعدك وجع
حاسّاك راجع
والشوق زوِّد لي إحتمالاتي
أيوه بعاني
إرجع تاني
علشان نِفسي أرجع لحياتي

وكإنك ما فارقتش حضني
وكإنك لسه في أيامي
يا ذكرى ودايمًا بتاخدني
يا حكاياتي في كل كلامي
يا أول كام ساعة في يومي
يا آخر كام كلمة في ليلي
يا أحلامي الحلوة في نومي
هعيش على أمل إنت تجيلي

كل لما أقول قربت أنسى
كل لما أقول أنا بتعافى
ألاقي الشوق باين لسه
وفي العين دمعة ومتشافة
كل لما أقول قربت أنسى
كل لما أقول أنا بتعافى
ألاقي الشوق باين لسه
وفي العين دمعة ومتشافة

وكإن الشمس ما طلعتشي
من يوم ما إنت فارقت سنيني
وكإن الدمعة ما تعرفشي
مكان في الدنيا دي غير عيني
ولا تطلع كلمة يا حبيبي
لغيرك ولا تتقال تاني
ليالينا معقولة يا حبيبي
مش وحشاك زي ما وحشاني؟

كل لما أقول قربت أنسى
كل لما أقول أنا بتعافى
ألاقي الشوق باين لسه
وفي العين دمعة ومتشافة
كل لما أقول قربت أنسى
كل لما أقول أنا بتعافى
ألاقي الشوق باين لسه
وفي العين دمعة ومتشافة

يا آخر كام كلمة في ليلي
يا أحلامي الحلوة في نومي
هعيش على أمل إنت تجيلي