كلمات هم المفارق

الليل طرف والمشاعر على نار
والشوق طاغي من جميع النواحي
والنوم ودع دون تبرير واعذار
والذنب ذنبك يا غزال البراحي
احس في راسي طواريق شعار
لجة صفوف حبيب مع الرياحي
مافاد في صدري تفكاك الازرار
بالضيقة اللي كل ليل وصبااحي

وطيفك يصب الملح فوق الجراحي
مبطي من الراحة وانا همومي كبار
وهم المفارق موت سمن ذحاحي
ابكي على الاطلال لامر تذكار
ذكرى مكانن فيه وصله متاحي
ياضامر السرجوف قلبي على نار
وانا عقب فرقاك ماني بصااحي
امشي بليا فكر ضايق ومحتار
يتلني صوبك نسيم الريااحي
انشد عن اخبارك من ايمين وايسار
واسير صوبك خلف هاك الضواحي

ترا الجفا يمرض قلوب صحاحي
ارجع تراني ذايقن هم وامرار
أبسبتك ياضيقتي وانشراحي
وانا تراني عاذرك دون معذار
ترا سلوم الحب عطف وسماحي
اما انقذيني من غرابيل الاخطار
ولا سطت قلبي طعون الرماحي