كلمات قصيدة لگيتك دمعتي الرهمت
كلمات القصيدة - لگيتك دمعتي الرهمت عليه
لگيتك دمعتي الرهمت عليه
وبس حزنك الفصلته بديه
صرت بالونه محبوس
وثوبك احله ملبوس حسينا
لگيتك احله چلمه تعالج الهم
بحيث الچلمه تاخذني المخيم
وترجعني جسد انسان مبهم
مجرد گلب خالي وينبض الدم
اردن بس علامه
ثغر جرحه ابتسامه
وروح بلا سلامه
وتكاودني دمعتي
وحيران بعثرتي
ومجروح بحسرتي
لگيت اخيامك بنار وسعيره
وأختك عالهزل صاحو اسيره
عاري وليش مديوس
وثوبك احله ملبوس حسينا
رهمت دمعتي بخدود الجروح
وأحزن من تصيح الناس مذبوح
وهيه المشكله اعله الگاع مطروح
ويصبحني الدمع وأتمسه بالنوح
يصبحني بفجيعه
ويراويني رضيعه
وانصاره الصريعه
يوديني ويردني
وبحزنك غمرني
وبمصابك يلمني
محتار وصرت ملجأ حياره
حبك بي دوه للماله چاره
بحبك خير متروس
وثوبك احله ملبوس حسينا
رفيقي وسايرتني بكل الدروب
أحسك بس فقط عن عيني محجوب
أشوفك بالبصيره أغله محبوب
أمير و للعبد ما ثگل اسلوب
اميري وياحبيبي
عشگتك من حليبي
دوائي وياطبيبي
تعاملني بهداوه
وبحچاية نقاوه
قران وتلاوه
كل هاي النقاوه بس هضيمه
بالطف مابقت للحرم خيمه
يل بعين الله محروس
وثوبك احله ملبوس حسينا
طايح والجرح متعدي الرآي
انته الماي بس شو تطلب الماي
جرحك مو عطش ياناس مو هاي
سمع زينب تگله وين منواي
يبو جروح العظيمه
وين تروح هيمه
وأخبرك ماكوخيمه
الحرم للحومه أجتلك
وطايح وشتكتلك
يل بعيوني شلتك
حل انطيني عالخيل الاجتنه
وين انروح ياخويه اسحگتنه
تلوج بألم محسوس
وثوبك احله ملبوس حسينا
تسمع بويه ألحگ وانته مشغول
تسولف وي ألاهك مدري شتكول
ياشيخ الطوايف ليش مذهول
شراواك الجليل وصرت مقتول
العشگ بالسيف يذبح
حرام بوضعك اشرح
غلط كل ما كلت صح
متت ونه اعله ونه
متت خاطر تلمنه
بضريحك احله جنه
بحبك جمعتنه ونلطم عليك
كون نموت بس هم مانوافيك
فياي ومن الشموس
وثوبك احله ملبوس حسينا