كلمات تانجو

بترقصي تانجو وبترقصي صالصا
دايما لطعم الفرح مشتاقة
وانا رقصتي رعشة الم خارسا
قوليلي ازاي يا حبيبتي نتلاقى
بتحبي صوت الناس وحكاويهم
بتحسي ف وجودهم بحرية
وانا مابشوفش غير صمت الشتا فيهم
وحيطان بتعلى تملي حواليا
ساعة ماقابل حزني ف عينيهم
ضحكة عينيكي بتبقى مش ليا
لو كنتي عايزة الفرح شاركيهم
لو كنتي عايزة تسكني فيا

وتقابلي زنزانتي وسجاني
وايديكي ف ايديا
لازم تعيشي ف كهف احزاني
متسلسلة بيا
لو كنتي عايزة تسكني فيا
بترقصي تانجو وبترقصي صالصا
دايما لطعم الفرح مشتاقة
وانا رقصتي رعشة الم خارسا
قوليلي ازاي يا حبيبتي نتلاقى
علشان تكوني لقصتي بداية
وعشان تكوني برضه اخرتها
لازم تعيشي معايا جوايا
لازم طفولتك تنسى رقصتها
وتكشري شوية
او تكبري شوية
لو كنتي عايزة تسكني فيا