كلمات الغربه تربه

امتي هفوق بقى
تعبت من الشقى
الدنيا هدانى
ضربانى بمطرقه
صدمه ورا التانيه
حياتي مخنقه
نفسي بجد يا ناس ارتاح
مليش نصيب افرح
كلو فيا بيجرح
ف بلدي انا لكن
مليش فيها مطرح

ف بلاد الله هسرح
يمكن الاقي الفرح متاح
ومتزعليش يامايا ابنك شاف كتير تعزيب
علي عيني ياما امشي و اسيبك بس هو نصيب
حكم القدر خلاني ابعد بس مش راح اغيب
ادعيلي انا محتاج دعاكي ابنك هيبقي غريب
يابا هتوحشني و نفسي افضل معاك علي طول
لكن يا ابويا حاولت ياما و كل باب مقفول
ونا نفسي اكون حاجه كبيره تتباها بيها و تقول
علشان كده مضطر امشي جايز من الهنا انول
سافرت وحدي
سايب صحابي و سيبت اهلي سايب حبيبتي
و قبل ما امشي
وصيت صحابي علي اهلي يوماتي في غيبتي

قولت لحبيبتي
سنتين و راجع هبني نفسي ونا هناك
اوعي يا بنتي
تبيعيني قالت مهما غيبت مستنياك
بدءت رحلتى
رايح لغربتى
و البحر بيخوف
ع الخد دمعتى
يا رب انت العالم
سهلي سكتي
خايف اوي و قلبي مقبوض
و اما وصلت انا
حمدت ربنا
لفيت كعب داير
علي شغل هنا و هنا
بدءت اتئقلم
والسنه تجيب سنه
الغربه ليها بقيت مشدود
جتلي مكالمه كل يوم من اهلي انا و رديت
كلمني ابويا و قالي الحق امك اتخضيت
صابها مرض طلبت تشوفك قبل ما تفارق
قلبي وجعني بسرعه روحت علي المطار و جريت
و رجعت بلدي وصلت شارعي شوفت نور محطوت
علي بيت حبيبتي و فيه اغاني و معليين الصوت
زفت زميلي علي حبيبتي بالطبل و البنادير
كلمني تاني ابويا قالي امك خلاص بتموت
فضلت اجري
احساس غريب حاسو لربي فوضت امري
و بقول يا ريتني
ما مشيت انا حاسس كأن مقطوملي ضهري
وصلت بيتي
سمعت صوت قرأءان عياط مالي المكان
قومي يا امي
ابويا قالي شد حيلك فات الاوان