كلمات بارابَم

بَم ، بارارارَم ، بارارارَم ، بارارارَم ، با بارابَم
..
هييييي السلام عليكم ... سبيراكتور in da house ارفعو ايديكم ..
ولعانة و جاية ولّع دوّر قلّع نزّل طلّع مارد شبيكم لبيكم
..
فاضي الصندوق رح اطلع براتو
اوبسسس، نسيت غراضي جواتو
جاية احتل العالم و راجع مو مطول عيرلي كذا سنة و جهزلي قالب غاتو
..
الدنيا برا شمس صيف
بدا طلعة بحار و نار و ريف
بدا فورمة مسابح و تنشيف
بدا ريبان حتى بان صطيف
..
ماشي ،، حتى لو كانت بس اوهام
رح طق فرام
و شد حزام
و لف غرام
كلو ينطرني ما حدا ينام
لك جاية ، شعّل ، ولع ، فعّل ، طاقة لنكمّل مهام
..
حتى لو باين مسرور ، مو نحلة دبّور  ، الميرا مو كبّور ، قاطع الدور ، خطر زمّور ، شابب الميتور  ، لاففو عم دور ،  نبات و بذور ،  ولك عم غرد متل عصفور
..
كنتو لما كنا كنا عندن صارو عنا لمينا بعض دفشنا، زحط عالأرض طبشنا، ف انولشنا، حط و رشنا صحينا بأرضنا فرشنا ،بالغلط كسرنا رفنا ، فات الشيطان اختلفنا
..
مدري ليش ،، ولا مدري عشو ،، ما لقيتو غير سناول قنينة طبشو عوشو ، حنكو فشو ، عيونو وشو ، قلب حلب قلو ايشو ، نفض كرشو ، رفع فرشو ، اخدو بعض راحو تمشو
..
نحنا شو خصنا بالأساس
جايين نعبي الراس  نسمع سيد الإحساس ، عم الناس ، سبيراكتور ، عالمسرح ، متمختر ، عمايكو ، متشفتر ، لك قائد ك حفتر
..
شو بدنا بكل هاللعي ، عم تضوي بالحفلة كنتي ولك قربي تعي ، رح سمعك ميكس بلكنتي عهالbeat اطلعي ، هزي راسك معي ، و ان ما فرحتي ارجعي
..
هالدنية لا لا ما فيّا شي
لا حدا يدفشني انا قاعد ما بدي امشي
انتو روحو سوحو جوحو انا هوني عفرشي
سيبوني لحالي غني لالي و دماغي احشي