كلمات لا ذكرى ولا طاري

لا ذكرى ولا طاري
تجيبك عندي بعد اليوم
نسيتك مالك بقلبي
لا ذكرى ولا طاري

مسحت اسمك من افكاري
ولا باقي لهواك هموم
انا واضح وضوح الشمس
وهذي اخر اخباري

انا لو شلت في قلبي
اشيل هموم فوق هموم
انا ماني مثل غيري
دموعي تفضح اسراري

دور غيري تحبه
دور والهوى مقسوم
يحبك مثل ما تحبه
وتنساني ولا تداري

عذاب الحب لو تدري
جرح قبلي عزيز القوم
درى بهمه ولا همه
ولا عاش الزمن عاري

انا ما اعيش في الدنيا
لا ظالم ولا مظلوم
يميني لو تفارقني
اشيل الحمل بيساري