كلمات ياصاحبي مالك

يا صاحبي مالك ومال الناس
مالك بهرج الناس مصلوحي

لا باس من شان الهوى لا باس
واللي يحب الزين مسموحي

واللي شرب له بالموده كاس
تراه ما يسمع ولا يوحي

وان كان عيا لا يجيه انعاس
يصير تالي الليل مطروحي

تراي انا وان دك بي هوجاس
قلبي على المحبوب مجروحي

والا سمعت العود والمرواس
ردت على صاحبي روحي

وان قلت له خل الهوى بقياس
عساه يدري ويش منضوحي

خذ للحبيب رسوم يالعكاس
ارجوك خل الرسم بوضوحي

ياما كتبت فنون بالقرطاس
كوده طريق الحب مفتوحي

وامر الهوى شلناه فوق الراس
والسر ما شفناه مفضوحي