كلمات احلى العواصم بوظبي

تبغي تشوف اللي ابد ماجا على البال وخطر
ابحر في روعه حسنها توصل معي للي تبي
ادري ان ذوقك يختلف في سطر ويوافق سطر
لكنها مثل السما مثل النجوم ف كوكبي
مثل الربيع وفوحه ازهاره وورده والعطر
والماء والخضره مع الوجه الحسن يا صاحبي
من فينا ما يحب القمر من فينا ما يحب المطر
من فينا بيعيب السما والبحر والموج الابي
ما تختلف الاذواق في كل شي في بياتي خطر
ولا يختلف ذوقين في ارض المحبه بوظبي
فيها حلا كل الحلا شطر شطر شطر شطر
قصيده فيها من الابداع ما يسبي سبي
من حسنها كل قلب يغرق في الجمال وينشطر
نصفه يرد البسمله ونصفه يصلي ع النبي
في وجهها براءه الطفل المدلل لا خطر
ولعينها قال الضيا للشمس فزي واغربي
فيها الكريم الحاكم الشيخ الحكيم اللي سطر
بسمه سمو اسما المكارم والفخر لك يا عربي

صاحب سمو وقايد اغلا ارض وافضاله قطر
يقول للسحب امطري ويقول للارض اشربي
شيخي محمد جعل راسي فدوته لى من قطر
مائه على فقري اقول اني ابي وابي وابي
ابغي ثلاث اشياء من رب السماء وما فطر
ابغي بقاه وشوفته ورضاه غايه مطلبي
بوخالد اللي ما مثله الا المطر لى من مطر
لا حد يلوم ان قلت له بلسان خالد يا ابي
لانه سمو الخير لي كفه على الخير انفطر
يقول للجود ونعم ويقول للبخل اتهبي
ذكره مثل شهر الصيام وشوفته عيد الفطر
ومصافح ايده يوهب كفوف المصافح ما سبي
وبها الشيوخ اللي يزيدوا غنجها تيه وبطر
وبها ارق واطيب واطهر قلوب بمحسبي
صعبه حلا وصعبه غلا والشوق يصعب لا نطر
لانها صعبه لقيت السهل في مستصعبي
هذي البلاد المعجزه ابلغ واسما ما سطر
هذي اذا صح الكلام اغلى العواصم بوظبي