كلمات وداع افضل
✍️ كلمات: معتزه ( نجلاء المحيا )
🎼 ألحان: عزوف
انا استاهل وداع افضل وداع يليق فيني و فيك
انا استاهل وداع اجمل عشان اتذكرك بالخير
حسبت ان الوفا غالي او انه عالاقل يعنيك
خذتني عزتي باثمي حسبت اني في قلبك غير
تروح وتاخذ اسبابك تغيب و هالزمن يبطيك
نفيت وجودي بالمره ولا يعنيك هالتدمير
ضلوعي شايله قلب ضعيف وخفقته تبكيك
ترج الروح في جوفي باسمك و اسمعه تكسير
تولتني كثير شكوك وصرت اسالني هو يغليك
وكل مافات هذا كذب او انه غلطه او تقصير
خلق ربي فمان الله تودع من صبر يرجيك
تخفف لوعته بكلمه تواسي فقده بتبرير
وداعك لو هو بكلمه بتنهي قصه ترثيك
رسول الله و هو مختار مودعنا وداع اخير
بقول لنفسي مسافر بيرجع لي من التشكيك
بكبر هقوتي بطيبك وبعدك خانه التعبير