كلمات اسكتش زعيم الحرامية
سلام مخصوص لأسطى اللصوص
وسلام لزعيم البواكي
سلام لأسطى الحراميه
سلام الزملا الكركيه
البواكي حلوين حلوين
يا سلام يا حلاوة
مين قدك مين
إنت الكبير المتصيت
انت بتهبر واحنا نعيط
ناكل يمك على طعمية
وانت الفراخ ميه الميه
اللوز والفزدق بتقرقش
واحنا بنتعشى حرنكش
دنيا هي الدنيا
فيها اللي فوق
فوق
وفيها اللي تحت
تحت
معاك قرش تسوى قرش
معاكشي قرش ما تسواش قرش
والدنيا هي الدنيا
فيها الضعيف وفيها ابو كرش
والحرامي دايما هباش
والهباش عمره ما يعلاش
قول لنا يا كبير الحراميه
يا اللي الهبر عندك غيه
إحنا الأوباش الحراميه
محبوسين ميه الميه
كرش كرش كرش
قرش قرش قرش
أهو دا الهجام
ضربوه يا سلام
أهو دا الهفاف
ضربوه بيخاف
أهو دا النشال
وكل قفل وله حلال
وانا حرامي العشة الفاضيه
وده هبر الضربة القاضيه
قرش قرش قرش
كرش كرش كرش
دول الحرامية الفكه
ف الصنعة دول عالم سكه
ودول زمايل السكاكة
قال مسكوا واحد بيه بشنطه
وزقوا عجلهم على طنطا
اتحبسوا أونطه
عالم سكه
بتوع الفكه